എം.എസ് ബനേഷ്
തൊണ്ടയിലെ മീന്മുള്ള്
പണക്കാരന്,
ഞാലിപ്പൂവന് പഴം
ജീവനോടെ വിഴുങ്ങിനോക്കും.
കോഴിക്കോടന് ഹല്വ
ശക്തിയോടെ ഇറക്കിനോക്കും.
നൂലാമാലകളില്പെട്ട്
വിട്ടുപോരട്ടെ എന്ന്
ന്യൂഡില്സ് കഴിക്കും.
കുടുംബ ഡോക്ടറെ വരുത്തി
വാ പിളര്ത്തിയിരിക്കും.
പാവപ്പെട്ടവന്,
പഴഞ്ചോറുണ്ട് തോറ്റും
പൊട്ടക്കണ്ണാടിയില്
അകത്തൊണ്ട നോക്കിയും
തഴമ്പന് വിരലിട്ട് ഛര്ദ്ദിച്ചും
സ്വന്തം വിഫലതയില്
വായടച്ച്
കാലത്തിന് കാത്തിരിക്കും.
മുള്ള് അപ്പോഴും
ഇരുതൊണ്ടകളിലെയും
ഉമിനീര്പ്പുഴയില്
മുക്കാല്ഭാഗം പുറത്തായി
ജലജീവിതത്തിന്റെ
പൂര്വ്വ സ്മരണകളില്
ആറാടുകയാവുമോ?
(2007ല് ഡിസി ബുക്സ് പ്രസിദ്ധീകരിച്ച 'നെഞ്ചുംവിരിച്ച് തലകുനിക്കുന്നു' എന്ന കവിതാ സമാഹാരത്തില് നിന്ന് )
No comments:
Post a Comment